FOLLA FACTURACION A TERCEIROS en PDF
INSTRUCCIÓN PARA PARTE FACTURACIÓN EN PRIMARIA
Esta é a relación de supostos que poden ser susceptibles de apertura de parte de facturación a terceiros nos centros de atención primaria:
- Particulares: usuarios dos nosos centros, que no momento de recibir a asistencia non presentan documentación xustificativa do dereito a recibir asistencia sanitaria con cargo a fondos públicos.
- Convenios internacionais: persoas que cando solicitan asistencia sanitaria achegan tarxeta sanitaria europea, CPS, formularios S1, S2, ou formularios que lle dan dereito a asistencia sanitaria con cargo a fondos da seguridade social dun terceiro país, exemplo: Andorra, Chile...
- Entidades Colaboradoras: traballadores de empresas que asumen a cobertura das continxencias profesionais, exemplo: Naturgy, Renfe...
- Aseguradoras privadas: usuarios que:
•entregan copias de pólizas de seguros privadas de asistencia sanitaria.
•pertencen as mutualidades de funcionarios nos supostos non cubertos polo convenio do rural.
- Continxencias profesionais: asistencias prestadas por accidentes de traballo ou enfermidade profesional que están cubertas polas mutuas colaboradoras coa Seguridade Social.
- Accidentes de tráfico: usuarios de vehículos a motor que teñen que ter concertado un seguro obrigatorio de circulación e aos que se lles presta asistencia por feitos de circulación.
- Accidentes escolares: alumnos que sofren un accidente durante o desenvolvemento das actividades escolares.
- Accidentes deportivos: deportistas federados que sofren un accidente mentres participan nunha competición oficial ou nos entrenamentos.
- Agresións: asistencias das que se poidan derivar un procedemento penal.
- Outros supostos:
•Existencia dun seguro obrigatorio, coma por exemplo os lesionados nos accidentes de caza ou no futuro, cando se desenvolva regulamentariamente a lei de benestar animal, o seguro de cans.
•Accidentes acaecidos con ocación de eventos festivos, actividades recreativas e espectáculos públicos nos suposto de que fose suscrito un seguro de accidentes ou de responsabilidade civil que cubra as contixencias derivadas destas actividades.
Para todos estes supostos utilizarase o modelo FOR-CS-6 (PARTE DE FACTURACIÓN A TERCEIROS) que se adxunta.
Comentarios
Publicar un comentario